|
Celebrada a Homenaxe a Amada García en San Felipe. |
|
|
|
|
Escrito por Fuco Buxán
|
|
28.01.2010 |
 Nun emocionado e sinxelo acto, celebrado onte no Castelo de San Felipe, rendíuse homenaxe a Amada García Rodríguez, cando se cumplen 72 anos do seu fusilamento, xunto con outros sete veciños de Mugardos, tras unha farsa de Consello de Guerra, que os condenou a morte aceptando as falsas testemuñas e os tortos intereses dos seus acusadores.
Organizado pola Asociación Memoria Histórica Democrática, reuníu a representantes de diversas Entidades, Asociacións, Partidos Políticos e persoas identificadas coa recuperación da Memoria, que arroparon con agarimo ao seu fillo Gabriel Toimil e a súa neta Amada.
Foi tamén unha homenaxe para todas aquelas persoas, mulleres e homes, vítimas da represión fascista pola súa defensa da legalidade republicana e dos seus ideais de liberdade e de progreso.
|
|
Ultima modificación ( 28.01.2010 )
|
