Excelente traballo narrativo por parte dos tres autores, implicados dende o ano 2000 na defensa da Ría de Ferrol, contra a instalación de forma ilegal e irresponsable dunha Planta de Regasificación en Punta Promontoiro (Mugardos) que descartaba a súa ubicación natural (contemplada no proxecto inicial) no exterior da Ría de Ferrol e afastada de núcleos de poboación.

Neste libro aparecen moitos datos pouco ou nada coñecidos para a poboación en xeral por mor dos "muros de silencio" promovidos por determinados medios de comunicación afíns aos intereses dos promotores da Planta de Gas.

Para ler este libro pode poñerse en contacto con nos para que lle fagamos chegar un exemplar ou ben pode encontralo nas librerías de Ferrol.