SOLIDARIDADE CO POBO PALESTINO
¡ Paremos ao terrorismo sionista!
CONCENTRACIÓN
Venres,  2  de Xaneiro ás 20.30 h.
diante do Edificio Administrativo da Xunta
(Praza de España - Ferrol).
¡Acude!

Colectivos convocantes polo momento. A Adhesión segue aberta:

ADEGA, Acsur-Las Segovias,  A.VV Fontelonga, Briga, CIG., CNT, Comité Empresa Megasa Siderúrxica, EU, Fervesteiro, A.C. Fuco Buxán, Fundacion Artabria, NOS-UP, Plataforma Artabra 21, Sindicato Comarcal das CCOO, Unión Libertaria, Axuda en Acción Ferrol, Solidaridad Internacional, ONG LENA, VERDEGAIA, Libraría Limiar,  ...
 

MANIFESTO DA CONVOCATORIA

Diante da criminal agresión que o Goberno israelí está a perpetrar contra a indefensa poboación palestina ao través do seu exército, un dos máis poderosos do planeta, queremos condear a violencia  do terrorismo sionista que leva causados  ao redor de trescentos mortos e preto dun milleiro de feridos  na franxa de Gaza nos ataques dos últimos días e que ameaza con desencadear unha invasión terrestre sobre ela.

Queremos expresar a nosa máis profunda solidariedade co pobo palestino, que segue a sofrir nestes días, como hai xa máis de corenta anos, a crueldade dunha ocupación, que se agrava co corrrer dos días e dos anos e que  arroxa datos pavorosos ( 65% de desemprego en Gaza, a desnutrición en máis do 60% dos nenos e nenas, o colapso da case totalidade das fábricas instaladas no territorio, en suma, unha situación onde o 80% da poboación malvive por debaixo do umbral da pobreza ).

    Queremos facer constar a noso respaldo ao millón e medio  de persoas que habitan en condicións infrahumanas a franxa de Gaza e o conxunto do pobo palestino, que sostén na terra de Palestina coa súa vida e traballo a arela dunha vida en paz e liberdade cun Estado propio e libre.

    Son a  solidariedade e o internacionalismo os móbiles que nos botan á rúa a esixir das poderes públicos da Xunta de Galicia e do Goberno do Estado un pronunciamento nidio e acompañado de feitos certos que coadxuven o  cesamento do terrorismo sionista e a prol dos dereitos do pobo palestino. Demandamos, pois, que se deteñan os bombardeos sobre Gaza e que se levante o bloqueo da franxa. Consonte elo reclamamos:
-          A chamada a consultas do embaixador español en Israel.
-          Que a Xunta de Galicia  faga un pronunciamento institucional de condea coas agresións e solidariedade co pobo palestino.
-          Que  o Goberno do Estado reclame na  a suspensión do acordo  de asociación con Israel vixente, acolléndose o artigo segundo do devandito acordo, que contempla esta posibilidade  diante de vulneración dos dereitos humanos.
-          Que a Xunta de Galicia e o Goberno do Estado demanden da ONU o cumprimento das resolucións ( 194 e 242 ) emanadas da súa Asemblea Xeral no senso de conquerir a devolución dos territorios ocupados e a creación dun Estado palestino libre e viable.