|
|
|
|
“Ferrol polo mar e a Vida”. Fuco Buxán, con Carmelo Teixeiro e o CCE. |
|
|
|
|
Escrito por Fuco Buxán
|
|
19.12.2007 |
|
 Preto das 10 da noite, a música do Grupo "A Revolta de Trasancos" pechaba no C.C. "Carvalho Calero" un acto sinxelo e emotivo no que os presentes manifestaron a Carmelo Teixeiro, Coordinador do Comité de Emerxencia para a Ría de Ferrol, o recoñecemento ao seu compromiso social e político de tantos anos e ao seu traballo exemplar, constante e eficaz á fronte do Comité, en defensa da ría e da vida dos seus habitantes.
O acto organizado por "Fuco Buxán" iniciouse coa intervención de Manuel Rodríguez Carballeira, o noso Presidente, e no transcurso do cal fíxose presentación do documental "Ferrol polo mar e a vida", realizado polos asistentes ao Cursillo de Vídeo impartido pola ONG ACSUR-As Segovias, en colaboración coa nosa Asociación, do que falaron representando a ambas entidades Silvia Chocarro e Manuel Cendán.
Este vídeo,que denuncia a agresión que supón a Planta de Gas de Reganosa ubicada no interior da Ría, está protagonizado por persoas do Comité, e Carmelo ten nel un papel destacado. As características e alcance deste documental veñen xa explicadas noutras inclusións anteriores desta web, é accesible presionando a imaxe do mesmo que figura na marxe dereita. A súa duración aproxímase aos 10 minutos, e en próximas datas terémolo en formato DVD.
Participou tamén neste acto o ex-Parlamentario Europeo Camilo Nogueira que tivo palabras de recoñecemento para os cidadáns de Ferrol por esta e outras loitas e expresou a súa convicción de que esta é unha batalla que imos gañar.
Carmelo recibiu a figura de "fuco buxán", simbolo emblemático da nosa Asociación, así como o agarimo e o apoio tanto dos asistentes como doutras persoas ou Entidades que desde diversas latitudes fixéronllo chegar.
É, en definitiva, este acto e este vídeo, unha achega máis á actividade que o C.C.E. vén desenvolvendo en defensa da legalidade, da vida, de Ría e do futuro sostenible de Ferrolterra.
Parabéns os realizadores do Vídeo.
O noso fraternal abrazo a Carmelo Teixeiro, e sempre
¡¡PLANTA DE GAS FORA DÁ RÍA!!
|
|
Ultima modificación ( 19.12.2007 )
|
|
|
|
|
Quen nos visita |
|
Temos 18 visitantes en líña |
|
Ferrol, polo mar e a vida |
 Video realizado polos alumnos asistentes ao curso de guión e gravación promovido pola ONG "Acsur-Las Segovias" e Fuco Buxán. Obtivo un accésit no Certame "Video Diversidade" de Ecoloxistas en Acción. |
|
|
